♥SEVGI♥
یازار : آيشن ائل قيزي
+0 به یه ن
دئدیم ، اغیار ایله گزمه ، سنه چوخ یالواردیم ،
ایندی دینجل ، گوزلیم ، منده اولوب قوتاردیم .
بیر صداقتلی گوزل تاپمادیم عالمده ، غرض ،
بو آز عومروده چوخ اطرافی گزیب آختاردیم .
جان هانی منده ، منی عشق دیر ایندی یاشادان ،
اونو جانان منه وئرمیش دی ، یئنه قایتاردیم .
كونلوم آلداتدی منی حسنونه مه پاره لرین ،
سانمایین ، من بو وفاسیزلارا بئل باغلاردیم .
فله كین قدی بوكولموش سه ، من اوندان قوجایام ،
اونداكی ، یوخودو نه دونیا ، نه فلك ، من واردیم !
سنی من ایسته دییم گونلر اولوردوم سن سیز ،
عشقیمین سرینی كونلومده نهان ساخلاردیم .
واحیدم ، عشقده من ایندی ده ثابت قدمم ،
وارام اوز یاریم ایله من نئجه اول واردیم .
