♥آغلاما !♥
یازار : آيشن ائل قيزي
+0 به یه ن
بو دونیانین هم ائنی هم اوزونو،
من گورموشم فلكین هر اوزونو،
گل سؤیله ییم سنه سؤزون دوزونو،
دار گونونده چكیل دارا آغلاما !
باش اوجا اول ، باش اوجا ائت ائلینی ،
وار دولته چوخ باغلاما بئلینی ،
وطن ، ناموس بیرده آنا دیلینی
قورو ساخلا باشقا وارا آغلاما !
بو دونیا كی ، یوخدور اوندا اعتیبار ،
كوپ لرینده الوان- الوان رنگی وار !
بیری آغدیر بیری توتقون بیر تار !
سنین كی ده اولسا قارا آغلاما !
من دئمیره م طالع یازی یازارمیش
انسان اوغلو چوخ یازیلار پوزارمیش
كریم ، دونیا بیر گؤرمه لی بازارمیش !
یولون دوشسه بو بازارا آغلاما !