سئوگی

یازار : sevil

+0 به یه ن
چكیر وارلیغیمی دارا گؤزلرین
آپاریر روحومو هارا گؤزلرین
قارا بیر محبس دیر قارا گؤزلرین
بوراخ گؤزلرینین حبسیندن منی
...
یاندیریب یاخماقدا اؤد قودرتی وار،
تكجه من بیلیرم نه حیددتی وار،
، آخی جزانین دا بیر مدتی وار،
 بوراخ گؤزلرینین حبسیندن منی.
...
قالدیم جاذیبه نده بیهوش كیمی یم
مرحمت گؤزله ین باخیش كیمی یم
قفسه سالینمیش بیر قوش كیمی یم
بوراخ گؤزلرینین حبسیندن منی
...
گونوم ائله سندن شیكایت اؤلوب،
بو سئوگی بیر داستان ،حئكایت اؤلوب
محبت نه واخت دان جینایت اؤلوب
بوراخ گؤزلرینین حبسیندن منی
...
زیندانا كؤنوللو سالدیم اؤزومی
عیبی یوخ، پاییزا دؤندر یازیمی
من گوناه ایشله دیم آرتیر جزامی
ساخلا گوزلرینین حبسینده منی