سئوگی اس ام اس لری(5)
یازار : زنگانلي آيخان
+0 به یه ن
سئوگیلیم،عشق اولماسا،وارلیق بوتون افسانه دیر
عشقیــده ن محــروم اولان،انسـانلیغــا بیگــانه دیر
سئـوگی دیـر،یالنیــز محببتــدیر حیــاتین جـوهــری
بیر كونـول كی عشق ذوقین دویماسا،غمخــانه دیر
*******************
یازیسان هی قلمی آغلادیسان اولمادیكی!
نقدر یازسا قلم سن پوزوسان اولمادیكی !
در گهینده گزیرم من پروانه لر تك !
گؤزلیم من گلیرم سن قاچیسان اولمادیكی !
*******************
گؤزلیم گؤزلریمه رحم اله آغلاتما منی
عشقیمین قدرینی بیل آیریسینا ساتما منی
من سنه جان دمیشم باغریمی قان ایلمیشم
بو غریبانه لرین محملینه ساتما منی
*******************
گؤزلرین دی منی سنه باغلایان
گؤزلرین دی گیزلی گیزلی آغلایان
گؤزلرین دی یورگیمی داغلایان
منی منن آلان چالان گؤزلرین
*******************
رنگی سولموش خزلم یللره تاپشیرما منی
گوزیاشمدان توره نن سئللره تاپشیر ما منی
آندولا عشقیمه بیر گون دؤزه بیلمم سن سیز
آیلارا هفته لره ایللره تاپشرما منی
*******************
دنیا دا منیم تك گوزلیم یار سئون اولماز
ثابت ائلرم قدریوی منجك بیلن اولماز
باخما كی جوان سان سنه قیمت وِریب عالم
بیر گون قوجالارسان سنی هیچ دیندیرن اولماز
*******************