ایكی قیسا شعر
یازار : زنگانلي آيخان
+0 به یه ن
سنسیز منه دونیا چندیر دومان دیر
ال چكمه الیمده ن منی گل بیرده اوتاندیر
بورا اودلار یوردو آذربایجان دیر
سئوگی اودونا باخ آلیشان دیر
اوتایدان بوتایا قارداش قانی دیر
قارداش! قان قاریشان دیر
باریشاندیر، ساریشاندیر
تبریز، باكی ...
بوراسی آذربایجان دیر.
***********
سئوگی قوخویور بو توپراق
سئوگی اوخویور آغاجدا یاپراق
(اودور كی فیكریمه بئله سی گلیر
بو یورددا آدامین اولمه سی گلیر.)
آنالار لایلاسی حزین سسینده ن
داغلاردان آخان شیرلا
شلاله سیندن دینله ین
سئوگینین خوش سسی گلیر
اؤلویه جان وئره ن نفسی گلیر
انسانا یاشاماق هوسی گلیر.