خوشدور / علی آقا واحد
یازار : زنگانلي آيخان
+0 به یه ن
خوشدور / علی آقا واحد
یارین رهئ عشقینده كونول قان اولا، خوشدور
هیجرینده گوزوم هر گئجه گیریان اولا، خوشدور
من كی، بو قارا گوزلولر عشقینده اسیرم
سینم هدفئ- ناوكئ- مژگان اولا خوشدور
سن عصریمیزین ایندی زولئیخاسی سان، ای گول!
عاشیق سنه مین یوسفی كنعان اولا، خوشدور
ییغما باشینا، ناز ایله بیر شانه چك هردن
كونلوم كیمی، زولفونده پریشان اولا، خوشدور
گل سینه نی گوستر منه هر صبح زمانی
گول بولبول اوچون چاكئ گریبان اولا، خوشدور
رخسارین اودو كونلومو یاخدیقجا سئویننم
پروانه اوچون شعله یئ سوزان اولا، خوشدور
جانان نه جفا ائیلسه، واحید یئنه صبر ائت
عشق اهلی اسیری غم جانان اولا، خوشدور