اورمو گؤلونون بایاتی لاری
یازار : زنگانلي آيخان
+0 به یه ن
خبر وئرین ائلله ره،
دوشسون هامی دیلله ره،
اورمو گولو گوز دیكیب،
مدد وئره ن ال له ره.
گه ل ایناناق سئوگی یه،
قارداشلیغا بیرلی یه،
بیزده ن یاردیم ایسته ییر،
آزربایجان اورمیه.
من آشیق آی اولایدیم،
بیر سولو چای اولاردیم،
آشیب، داشیب داغلاری،
گه لیب سه نه دولایدیم.
خالقیمین دوزلو گولو!
گورمه یه ك سه نی اولو،
قویوب، گئدیب، بوراخما،
بیزه قورو بیر گولو
بو ده ردی كیمه یازام؟
اوز یوردومدا یالقیزام،
ائشیدیرسه نمی مه نی؟
بو گونله ر چوخ سوسوزام.
هارای لار آی هارای لار!
دولا نار ایل له ر – آیلار،
من سوسوزام، هارداسیز؟
سویو گه تیرین چایلار!
بیلمه لیسیز سیز بونو!
گه لمه ز گولومون سونو،
یو كیچیك ال له ریمله،
قورتاراجام، من اونو