ره/را سؤزو
یازار : ساواش
+0 به یه ن
آلت دا گئده ن یازینی، یازارین آنلادیق لاری سانین؛ دوغرو یانلیش لیق ایمكانی وار.
دونیانین جانلی دیللرین دن ساییلان توركجه دیل، دونیادا 180 میلیون اینسانا آنادیل و40 میلیون اینسانا ایكینجی دیل اولموش[قایناق]، ساییتیم لارین نئچه سینده ده تورك دیلینده دانیشانلاری توم لهجه لریله 250 میلیون دا گتیریلیب.
توركجه دیلین توم لهجه لرینده ساییلان بیر اؤزه للیك، سایماز فعل لرین اولماسین دان باشقا، هر كیچیك و بؤیوك دوروم، آراج، سورون و باشقا اینسانین بئینینه گلن سؤزلرین اؤزه ل آدلاماسی دی.
اؤرنه ك اوچون هر بیر حئیوانین هر یاشین دا اؤزه ل آدی، دیشی اینه یی اؤرنه یین: بیزوو، دانا، سیغیر، اینه ك و ...
توركجه ده یئر و مكان لارا دا تایماز بیر آدلانما گؤروشمه ك ده دیر.
ان بؤیوك مكانی یئر و اؤلچوسونه باغلی اؤلكه، یورد، بؤلگه و داها آدلار آیدین دیر.
یئر و مكانی گؤسته رن سؤزلردن بیری ده ره/را سؤزودور. نظره گلیر توركجه ده بو سؤز ان كیچیك یئرلری آچیقلاماغا ایشله نیر و "یئر" سؤزونون قارشی سین دا دوروب. بیر نئچه كلمه ده ده ره/ را سؤزونون زامان و چاغ ایله ایلگیسی گؤرونمك ده دیر.
ره/ را سؤزونون گونوموزده كی دیلیمیزده اؤرنه ك لری:
1- بورا/ اورا: بو + را = بو یئر، بو مكان؛ او + را = او یئر، او مكان
2- هارا(استانبولجا دا: نه ره): ها + را = هانكی یئر، هانكی مكان؛ نه + ره = نه یئر، نه مكان
3- سونرا: سون + را = سون آن، سون لحظه؛ ره/ را سؤزو بو كلمه ده چاغ و آن آنلامین وئریر، بلكی ده گونوموزده ده ییشیلیب بو آنلامدا ایشله نیر.
4- به ره(bərə) = به ك ره (bəkrə)= برك ره(bərkrə) = برك + ره = برك یئر، محكم یئر؛ چایلارین یانیندا اكینچی لر سو موتورلارین یئرلشدیق لاری كیچیك بیر یئر.
5- آرا = آررا = آر + را = كیچیك فاصله، كیچیك یول؛ آر توركجه ده گزمه ك، آختارماق، یول، فاصله آنلامیندا گلیر.
...
آرتیق بیلگی نیز ایسه اویاریمینیز اولسا بیزیمله آرادا قویون لوتفن.