لیلا محمد بیووا(Leyla Mammadbeyova)
یازار : ساواش
+0 به یه ن
لیلا علسگر قیزی محمد بیؤوا(1989-1909) آذربایجان، قافقاز، گونئی آوروپا، یاخین دؤغو و بوتون اسلام دونیاسین دا ایلك اوچاك چی قادین.
لئیلا باكی هاواچی لیق كلوبوندا ایش بیلن هاواچی اؤلمانی اؤیرنمیش، ایلك اوچوشونو 1931 ایلینده یئرینه یئتمیشدیر. 1932 ده مؤسكؤدا بیر اؤخول دا اؤیرنمه سینه داوام ائتدی. لئیلا 1933؛ مارت آیین 17 سینده مؤسكؤ نین "توشینؤ" هاوا آلانین دا U-2 اوچاكین دان پاراشوت(چتر) ایله آلتاناراق سؤوئت(شوروی) بیرلیغی(Soviet union) نین ایكینجی قادین پاراشوتچوسو اؤلموشدور(نینا كامنئوادان سؤنرا).
1934 ایلینده گونئی قافقاز جمهوریت لری آراسیندا كئچیریله ن پاراشوتچو لار یاریشیندا بیرینجی یئری توتموش و 1941 ایله دك شوروی اؤردوسونون اوچاك فیلؤ(ناوگان) باشچی سیمیش.
لئیلا یاشامینی هاواچی اؤلاراق و باكی هاواچی لیق كلوبونو قوراراق داوام ائدیردی. یئتكین لیك یاشینا چاتمامیش دؤرد اوشاق آناسی(تام آلتی اوشاق صاحبی) باشچی لئیلانین ایكینجی دونیا ساواشیندا اؤلماسیندان امتنا ائدیلدی.
باكی هاواچی لیك كلوبو ساواش اوچون باغلی اؤلاراق، اؤزو اؤزونه اوچاك و پاراشوتچو كورسو باشلامانی باشاردی. اؤ ساواش ایللرینده یوزلرجه طیاره چی و 4000 پاراشوتچو اؤیردتمیش دیر. اؤنون ایكی اؤیرنه نی سؤنرالار سؤوئت بیرلیغی نین قهرمانی اؤلدولار. هاواچی یاشامینی 1949 دا سؤن اوچوش ایله باشا چاتدیرمیش، سؤنرالار DOSAAF ین باكی قؤلوندا 1961 دك باشقان یاردیمچی سی اؤلموشدور.
لئیلانین بؤیوك اؤغلو فریدون ایكینجی دونیا ساواشیندا و كیچیك اؤغلو خانلار قاراباغ ساواشیندا چالیشمیشدیلار. هر ایكیسی ده ساواش اوچاك چی سی.
اؤنون یاشامی میكائیل موشفیق ین(آفشان،1933 و شؤیله،1934) و صمد وورغونون(لئیلا،1935) ادبیات چالیشمالارینا الهام قایناغی اؤلدو. سینمادا عصمت فیلمی(میكائیل میكائیلؤف،1934) لئیلایا اهدا ائدیلمیشدی. 1995 ده محمد بیؤوانین یاشامی ناظیم رضا اسرافیل اؤغلو نون دوزلتدیغی لئیلا فیلمینه باشلیق اؤلدو. فیلم آزتی وی ده گؤسته ریلدی.